Криштиану Роналду ёзги трансферлар охирига қадар «Ювентус»ни тарк этиши мумкин.
36 ёшли ҳужумчининг агенти Жорже Мендеш "Манчестер Сити" билан музокараларни давом эттирмоқда.
Айни вақтда эҳтимолий трансфернинг амалга ошиши мушкул кўринмоқда, дея ёзади журналист Жанлука Ди Марзио.
"Кекса синёра" португалияликнинг трансферидан 25-30 млн евро ишлаб олишни истамоқда. «Шаҳарликлар» тўлиқ суммани тўлашмоқчи эмас. Роналду билан шартнома имзолашдан олдин, «Сити» дастлаб Раҳим Стерлингни сотишига тўғри келади.
Шунингдек, «Ювентус» қизиқаётган Габриел Жезус иштирокидаги алмашинув варианти ҳам бор, аммо Англия клуби бош мураббийи Пеп Гвардиола уни қўйиб юборишни хоҳламаяпти.
Олдинроқ, Роналду эҳтимолий трансфер юзасидан "Манчестер Сити" футболчилари билан гаплашгани маълум бўлганди.
