«Ювентус» клуби собиқ президенти Жованни Жильи "бьянконери" ҳужумчиси Криштиану Роналду тез орада жамоани тарк этишига умид қилди.

«Мен бу масалада ҳамиша ўз фикримни очиқ айтганман. Роналду билан шартнома имзолаш хато бўлган. Бундай харажатлар ўзини оқлаши жуда қийин иш. Аммо энди ҳеч нарсани ўзгартириб бўлмайди.

У даҳо футболчи, аммо мен очиғини айтишим керак — у қанча тез кетса, ўзи учун ҳам, «Ювентус» учун ҳам шунча яхши.

Умид қиламан, Массимилиано Аллегри Роналдудан қандай фойдаланишни яхши билади. Криштиану «Ювентус»нинг ҳужумига халал беради. У майдонда бўлмаса, жамоа майдонда ажойиб ишларни амалга ошириши мумкин», — деди Жильи.