«Атлетико Мадрид» Саул Нигез ўрнига янги вариант ўйлаб қўйган. «Marca» нашри хабарига кўра, трансфер ойнаси ёпилишидан олдин Саул жамоани тарк этгудек бўлса, у ҳолда унинг ўрнига «ПСЖ»дан Пабло Сарабиа келтирилиши мумкин.
Париж клуби таркибда бирмунча қисқартиришлар олиб бормоқда. Шу сабаб Сарабиани ижара асосида қўйиб юборишини айтган. 29 ёшли испан плеймейкери аввалги клуби «Севилья» таркибида пайтидаёқ кўплаб жамоалар эътиборига тушган эди.
Испания чемпионлари вақт ўтишини кутмоқда. Саул билан хайрлашишга тўғри келса, улар дарҳол Сарабиага таклиф билан чиқишади. Саул ва Сарабианинг трансфер қиймати ҳам бир бирига жуда яқин ва бундан клуб ҳеч нима ютқазмайди.