«Atletiko Madrid» Saul Nigez o‘rniga yangi variant o‘ylab qo‘ygan. «Marca» nashri xabariga ko‘ra, transfer oynasi yopilishidan oldin Saul jamoani tark etgudek bo‘lsa, u holda uning o‘rniga «PSJ»dan Pablo Sarabia keltirilishi mumkin.
Parij klubi tarkibda birmuncha qisqartirishlar olib bormoqda. Shu sabab Sarabiani ijara asosida qo‘yib yuborishini aytgan. 29 yoshli ispan pleymeykeri avvalgi klubi «Sevilya» tarkibida paytidayoq ko‘plab jamoalar e’tiboriga tushgan edi.
Ispaniya chempionlari vaqt o‘tishini kutmoqda. Saul bilan xayrlashishga to‘g‘ri kelsa, ular darhol Sarabiaga taklif bilan chiqishadi. Saul va Sarabianing transfer qiymati ham bir biriga juda yaqin va bundan klub hech nima yutqazmaydi.
