Журналист Кристиан Фалк ўз твиттерида Тимо Вернернинг «Интер»га ўтиши масаласи ёпилгани ҳақида ёзди.
«Челси» ушбу келишув борасида музокара ўтказишга тайёр эди, лекин немиснинг ўзи бу трансферга мутлақо қаршилигини билдирган.
Вернер Ромелу Лукаку келганига қарамай, клубда қолишга тайёр. У рақобат остида ўйнашга рози.
Футболчи асосий таркибдан жой олиш учун бельгиялик билан рақобатлашмоқчи. Шунингдек, немис футболчиси қанотда ҳам ўйнаши мумкин.
Маълумот учун, Вернернинг «Челси» билан шартномаси 2025 йилгача мўлжалланган.
