Яқиндагина "Ювентус" билан шартнома тузган Кайо Хорхе жамоадоши - португалиялик Криштиану Роналду ҳақида ўз фикрлари билан ўртоқлашди.
"Кекса синьора" мухлисларига таништирув маросими муносабати билан ўтказилган матбуот анжуманида Кайо Хорхе шундай деди:
«Криштиану менга бу ердаги илк кунларимда катта ёрдам берди. Мен ундан майдонда ҳам, ундан ташқарида ҳам кўп нарсани ўрганаман. У ҳар доим машғулотларга бутун жамоадан биринчи бўлиб келади, мен у билан бир жамоада бўлганимдан жуда хурсандман ", - деди Хорхе.
"У менга келажаги ҳақида ҳеч нарса демади. Умид қиламизки, у қолади ", - дея қўшимча
қилди футболчи.
Эслатиб ўтамиз, Кайо Хорхе "Ювентус" билан 2026 йилнинг ёзига қадар шартнома имзолади.
