"Манчестер Юнайтед" бош мураббийи Оле -Гуннар Сульшер клубнинг мумкин бўлган
трансферлари ҳақидаги маълумотга изоҳ берди. ОАВ маълумотларига кўра, икки ярим ҳимоячи ёзги трансфер ойнаси ёпилишидан олдин "Олд Траффорд"га ўтиши мумкин. Гап Сауль Ньигез ("Атлетико") ва Эдуардо Камавинга ("Ренн") ҳақида кетмоқда.
"Ўйлайманки, трансфер ойнасида бошқа ҳеч нарса бўлмайди. Аммо, агар яна бирорта харид амалга ошса, бу фақатгина бизни қувонтиради. Сиз ҳеч қачон тахмин қилмаслигингиз керак. Бу ёзда биз
трансфер мавсумини яхши ўтказдик. Мен харидларимиздан мамнунман", - дея норвегиялик мураббийнинг сўзларини келтиради журналист Фабрицио Романо ўзининг твиттеридаги саҳифасида.
Бу ёзда манкунианлар қанот ҳужумчиси Жейдон Санчо ва ҳимоячи Рафаэль Варан билан шартнома имзолади.
