Мюнхен "Бавария" клуби Германия кубогининг 1/32 финалида қуйи дивизион вакили "Бремер" клубига қарши майдонга тушди. Юлиан Нагелсманн шогирдлари рақиби устидан йирик 12:0 ҳисобида ғалаба қозонди.

Opta нашрининг твиттердаги саҳифасининг маълум қилишича, бу ғалаба Германия чемпиони учун 1965 йилдан буён расмий ўйинларда иккинчи йирик ғалаба бўлди.

"Бавария"нинг энг йирик ғалабаси "Вальденберг" клуби устидан қозонилган. Бу учрашув 16:1 ҳисобида мюнхенликлар фойдасига якунланди.

Нагелсманн жамоасининг кейинги рақиби Берлиннинг "Герта" клуби бўлади. Ўйин Германия чемпионатининг учинчи тури доирасида бўлиб ўтади.