Ўтган ҳафтада "Реал Мадрид" яримҳимоячиси Лука Модрич машғулот пайтида жароҳат олгани ҳақида хабар қилинганди. Маълум бўлишича, футболчи жароҳат тўғрисида
клуб шифокорлари билан маслаҳатлашди. Натижалар шуни кўрсатдики, хорват қисқа вақт тикланиш давридан ўтиши керак эди.
Футболчи "Бетис"га қарши ўйинга тайёр бўлиши кутилганди, бироқ
Испаниянинг AS нашри Модрич майдонга тушишини истисно қилди. Маълум бўлишича, даволаниш курси кечиктирилган, Карло Анчелотти бошчилигидаги мураббийлар штаби мавсум бошида футболчининг соғлиғига бошқа хавф солмоқчи эмас.
Қолаверса, Тони Кроос ва Ферлан Менди ҳам учрашувда қатнаша олмайди. Эслатиб ўтамиз, Испания чемпионати доирасидаги учрашув 28 август куни, Тошкент вақти билан 01:00 да бошланади.
