Қаршининг "Насаф" клуби бош мураббийи Рўзиқул Бердиев жамоанинг хориждаги сўнгги йиғини даврмида бир қатор легионерлар кўрикдан бўлгани бироқ улар жамоага маъқул келмагани ҳақида гапириб ўтди.

«Анталиядаги йиғин кўнгилдагидек ўтди. Кучли спарринг-рақибларга қарши ўйинлар ўтказдик ва футболчиларнинг имкониятларини яна бир бор синовдан ўтказдик».

«Йиғин давомида таркибимизда уч нафар легионер кўрикдан ўтди ва уларнинг ҳаракатлари бизга маъқул келмади. Умид қиламанки, ҳозирги таркибимиз билан биз олдимизга қўйилган мақсадларга эришамиз. Мен йигитларга ишонаман», дея мураббийнинг сўзларидан иқтибос келтирмоқда клуб расмий сайти.

Эслатиб ўтамиз, ҳозирги кунда "Насаф" таркибида ҳозирда 3+1 чекловига мос тушадиган легионер футболчилар бор. Улар Артур Геворкян (Осиё), Андрей Переплёткинс, Иван Бошкович ва Боян Малишичлардир.