"Реал" ҳимоячиси Альваро Одриосола фаолиятини "Тоттенхэм"да давом эттириши мумкин, дея хабар беради Football Italia нашри. Манба берган хабарга кўра, "шпорлар" испанияликка жиддий қизиқиш билдирган.
Аввалроқ, Одриосола Флоренциянинг "Фиорентина" клубига ўтишга яқинлиги ҳақида хабар берилганди, бироқ футболчининг ўзи ҳали битимга рози эмас. "Тоттенхэм" бу вазиятдан фойдаланиши мумкин. Лондон клуби Франция чемпионатига қайтиши мумкин бўлган Серж Орьега ўринбосар қидирмоқда.
Эслатиб ўтамиз, Одриосола 2018 йилда "Реал Сосьедад"дан 30 миллион евро эвазига кўчиб ўтиб, "Реал" футболчисига айланди. Унинг Мадрид клуби билан шартномаси 2024 йилгача тузилган.
