Ҳужумчи Криштиану Роналдунинг агенти Хорхе Мендеш мижозининг эҳтимолий трансфери борасида "Ювентус" билан музокара ўтказиш учун Туринга келди.

Мендешнинг мақсади - Криштианунинг "Манчестер Сити"га ўтишини ташкил қилиш, лекин томонлар "Юве" рози бўлиш учун муносиб таклифни тайёрлаши керак бўлади.

Туринликлар ҳали ҳам потенциал келишувга жуда катта талабларни қўймоқда ва Хорхе 36 ёшли ҳужумчини текинга ёки 25 миллион евродан анча арзонга қўйиб юборишни таклиф қилмоқда, бунга эса "Ювентус" рози эмас.

Роналдунинг ўзи жамоани ўзгартиришга тайёр ва унга "Сити" ягона даъвогар ҳисобланади. Сабаби, португалияликни Манчестерга ўтиш "ПСЖ"га қараганда реалроқ туюлмоқда.

Маълум бўлишича, "шаҳарликлар" Криштиануга йилига 15 миллион евро маош таклиф қилган ҳолда икки йиллик битим тузмоқчи.