Франциянинг "ПСЖ" агар ҳужумчи Килиан Мбаппе жамоани тарк этса, бошқа форвард сотиб олмоқчи.
Мбаппанинг "Реал"га ўтиши борасидаги музокаралар давом этмоқда, бироқ "ПСЖ" аллақачон унинг ўрнини боса оладиган футболчилар ҳақида ўйламоқда.
ESPN нашри хабарига кўра, парижликлар "Бавария" ҳужумчиси Роберт Левандовски, "Боруссия Дортмунд" ҳужумчиси Эрлинг Холанд ёки "Эвертон"дан Ришарлисонни таклиф қилиш вариантларини кўриб чиқишмоқда.
Левандовскининг агенти Пини Захави душанба куни Парижда бўлган ва "ПСЖ"дан ўз мижози билан шартнома имзолашини сўраган. У парижликлар раҳбарияти билан мумкин бўлган трансферни муҳокама қилди. "Бавария" ҳозирда Левандовскини қўйиб юбориши даргумон, аммо "ПСЖ" польшаликни сотиб олиш учун
катта маблағ таклиф қилишга тайёр.
Жума куни "ПСЖ" спорт директори Леонардо Ҳоланднинг агенти Мино Райола билан гаплашди.
Футболчининг вакили мижози ёзда "Боруссия"ни тарк этишини истайди. Райола ва Леонардо яқин дўстлар, бу ёз улар Жанлуижи Доннарумманинг трансфери устида ишлаган.
Ришарлисон 100 миллион еврога сотилиши мумкин. Футболчи "ПСЖ"га ўтишни хоҳлайди, у Неймар билан жуда яхши муносабатда.
