"Вэст Хем" клуби "МЮ" футболчиси Жесси Лингард учун янги шартнома таклиф этишга тайёргарлик кўрмоқда. "Тhe Star" нашри хабарига кўра, Девид Мойес футболчини сешанба кунидан илгари жамоасига қўшиб олмоқчи.
Аммо манкунянликлар унга 25 миллион фунт нарх белгилади. Бу эса Лондон клуби учун оғирлик қилмоқда. Лингард ўтган мавсумнинг иккинчи ярмида "Вэст Хем"га ижара асосида келиб қўшилган эди.
У мавсум якунига қадар 16 та учрашув ўтказиб, 9 та гол ҳамда 5 та ассист бажарган. "МЮ" Роналдунинг трансферини амалга оширгач, Лингард учун кетишга рухсат бериши айтилган.
