«Манчестер Юнайтед» ҳужумчиси Эдинсон Кавани фаолиятини Испанияда давом эттириши мумкин.
RAC1 журналисти Жерар Ромеро сўзларига кўра, «Барселона» ёзги трансферлар ойнаси ёпилишидан олдин форварднинг трансфери борасида музокара ўтказмоқчи.
Уругвайлик «Блаугранас» таклиф этган вариантга рози бўлиши мумкин, чунки Криштиану Роналду қайтгач, унинг «қизил иблислар» сафидаги ўрнига ҳеч қандай кафолат йўқ.
34 ёшли Кавани 2020 йилдан буён «Манчестер Юнайтед» шарафини ҳимоя қилиб келади. У 40 та ўйинда майдонга тушиб, 17 та гол ва 6 та голли узатмани амалга оширган.
Унинг трансфер қиймати 6 миллион еврони ташкил қилади.