"ПСЖ" ҳужумчиси Лионель Мессининг фарзандлари — Тьяго Месси ва Матео Месси парижликлар футбол академиясига қабул қилинишди. Бу ҳақда "L'Equipe" хабар тарқатди.
Матео "ПСЖ" етти ёшгача бўлган футболчилар жамоасида таҳсил олса, Тьаго U10 ёки U9 жамоасида тўп тепади. Шу пайтгача улар "Барселона" академиясида тарбияланиб келаётган эдилар.
Мессининг учинчи фарзанди Чиро эса ҳали кичкина 3 ёшда. Ҳозирча у футбол билан шуғулланмаяпти.
Эслатиб ўтамиз, 34 ёшли Месси ёзги трансфер пайтида эркин агент сифатида "Пари Сен-Жермен" билан 2 йиллик шартнома имзолади.
