"Барселона" ҳужумчиси Ансу Фати янги мавсумни 10-рақамли футболкада ўтказадиган бўлди. Лионель Месси жамоани тарк этгач, ушбу рақам бўш қолаётган эди.
18 ёшли Фати "Барселона" тарбияланувчиси ҳисобланади. У асосий жамоа сафида 43та ўйинда майдонга тушиб, 15та гол урди ва 7та ассист муаллифига айланди. Испания терма жамоаси таркибида у 4та ўйинда битта гол уришга муваффақ бўлди.