Бундан бир неча дақиқа олдин ўз якунига етган "Челси" ҳамда "Бирмингҳэм" жамоалари ўртасидаги Англия лигаси кубоги учрашувига, "Челси" фанатлари махсус тайёргарлик кўрганлиги аниқлашди.

Гап шундаки, ўйиннинг иккинчи бўлимида "Челси" фанатлари бутун стадион узра Жозе Моуриньонинг исмини айтиб қўшиқ куйлашган. "Челси" фанатлари шу йўл билан жамоанинг ҳозирги бош мураббийи Андре Виллаш-Боашга ўз норозиликларини билдиришган. Бугун "Стэмфорд Бриж"га йиғилган мухлислар Жозе Моуриньони яна Лондонга чорлаб қўшиқ куйлашди. Ўйиндан кейин клуб рахбарияти бу ҳолатга ўз муносабатларини билдиришгани йўқ.

Маълумот ўрнида айтиб ўтиш лозим, "Челси" мухлислари жамоанинг хозирда кўрсатаётган ўйинидан норози кайфиятда. Улар бош мураббий Андре Виллаш-Боашнинг ҳозирги фаолиятидан қониқиш ҳосил қилмаяптилар. Айрим маълумотларга қараганда, "Челси" ёзда ҳозирда "Реал"ни бошқараётган Жозе Моуриньони яна Лондонга қайтаришни кўзлаб турибди.