Испания клубларининг ёзги трансфер пайтидаги харажатлари ҳисоблаб чиқилди.

Рўйхатни «Атлетико Мадрид» бошқарди. Ушбу жамоа 65 миллион евро эвазига ўз сафини ўз сафини Кунья ва Де Пауль билан тўлдирди. Гризманннинг ижараси эса ҳали бу суммага киритилмади.

"Реал Мадрид" эса, агар Мбаппенинг трансферини амалга ошира олганида ушбу рейтинг етакчисига айланади. Ҳозирса эса "Қироллик клуби" Камавинга учун сарфланган 31 млн. евро (Алаба текинга қўлга киритилди) билан 4-поғонани банд этди.

«Барселона» эркин агентлар (Агуэро, Мемфис ва Гарсия)га эътиборга қаратди. Жамоа Юсуф Демир ва Эмерсон учун пул сарфлади. Аммо тез орада бразилиялик ҳимоячи яхши нархга сотиб юборилди.

Ла лига клубларининг ёзги трансфер пайтидаги харажатлари (Transfermarkt маълумотлари асосида)

1. «Атлетико Мадрид» — 65 млн. евро

2. «Вильярреал» — 54,5 млн. евро

3. «Севилья» — 38,5 млн. евро

4. «Реал Мадрид» — 31 млн. евро

5. «Хетафе» — 15,5 млн. евро

6. «Барселона» — 14,5 млн. евро

7. «Валенсия» — 11,2 млн. евро

8. «Мальорка» — 9 млн. евро

9. «Осасуна» — 8,7 млн. ​​евро

10. «Сельта» — 8,6 млн. евро