Лондоннинг «Арсенал» клуби раҳбарияти агар жамоа кейинги учта ўйинда натижани яхшиламаса, бош мураббий Микель Артетани ишдан бўшатиши мумкин, деб хабар беради The Sun.

Манба берган хабарга кўра испаниялик мутахассисга Премьер-лигада «Норвич» ва «Бёрнли» га қарши ўйинларда, шунингдек, «Уимблдон» билан Лига кубоги ўйинида вазиятни тўғирлаш имконияти берилган.

Эслатиб ўтамиз, «Арсенал» бу мавсумни муваффақиятсиз тарзда бошлади. Турнирнинг дастлабки учта ўйинида «канонирлар» битта ҳам гол уришмади ва бир очко ҳам олишмаган, шунингдек, тўққизта гол ўтказиб юборишган.