Равшан Эрматов Тошкент шаҳридаги футбол маҳорат мактабининг қурилиш-реконструкция ишларини кўздан кечириб, масъул қурувчи ташкилот вакиллари билан учрашди.
Суҳбат давомида Туризм ва спорт вазирлигининг ДУК спорт инфратузилмаси қурилишига масъул бўлган Нодир Муротов билан биргаликда академиянинг қурилиш ишларини жадаллаштириш, сифатли футбол майдонларини барпо этиш, иншоотнинг ётоқхона ва ошхоналарини замон талабларига мос равишда жиҳозлаш каби масалалар муҳокама этилди.
Шундан кейин ЎФА биринчи вице-президенти бошчилигидаги мутахассислар «Дўстлик» академиясига ташриф буюришди. Бу ердаги қурилиш-реконструкция ишлари билан ҳам танишилиб, олдинда турган вазифа ва лойиҳалар бўйича кўрсатмалар берилди.
Учрашувда ҳудудлардаги футбол академиялари фаолияти, хусусан ёш тарбияланувчилар учун яратиб берилаётган шарт-шароитлар, турли ёш тоифасидаги Ўзбекистон терма жамоалари ва клублар учун футболчиларни тайёрлаб беришда муҳим аҳамият касб этиши таъкидланди.
