Туриннинг «Ювентус» клуби Пауло Дибаланинг агенти билан футболчи билан шартномасини 2025 йилгача узайтириш борасида музокараларни давом эттирмоқда. Бу ҳақда журналист Николо Шкира ўз твиттерида хабар берди.
Манбага кўра, томонлар яқин соатларда телефон орқали суҳбатлашади. «Ювентус» вакиллари тез орада футболчи билан келишиб, шартномани узайтиришга ишонмоқда.
Аввалроқ, 27 ёшли аргентиналик ҳужумчи «Ювентус» билан янги шартнома борасида келиша олмаслиги ҳақида хабар берилганди.
Клуб футболчига 2025 йилгача бўлган шартнома таклиф қилади, унинг маоши йилига 8,5 миллион евро, қўшимча равишда 1 миллион евро. Футболчи, 2025 йилгача бўлган шартнома, маоши 10 млн евро ва бонус сифатида 2 млн евро олишни истамоқда.
