Хабарингиз бор, бир неча кун олдин Эдуардо Камавинга «Реал»нинг янги ўйинчиси сифатида таништирилганди.
Французнинг матбуот анжуманини трансляция қиладиган teledeporte испан телеканали ёқимсиз аҳволда қолди.
Журналист Лорена Гонсалес микрофони ўчирилган деб ўйлаб 18 ёшли футболчига нисбатан ёқимсиз сўзларни айтиб юборди.
«Бу йигит костюмидан кўра қора», - деб юборди телебошловчи оммани олдида ва кескин танқидларга сабаб бўлди.
Гонсалес бугун ўзининг ижтимоий тармоқларида бунинг учун кечирим сўраган постини жойлаштирди.
"Менинг сўзларимда ёмонлик йўқ эди, лекин мен ҳали ҳам тушунаманки, мен бундай демаслигим керак эди.
Узр сўрайман. Мен, барчангиз каби, замонавий дунёда ирқчиликнинг ҳар қандай ҳолатда намоён бўлишига қатъиян қаршиман”, деб ёзган журналист.
