"Бавария" кеча Германия Бундеслигаси доирасида "Лейпциг"ни йирик 4: 1 ҳисобида мағлуб этди. Мюнхенликлар жамоаси устози Юлиан Нагелсман ўйиндан пайтида алмаштирилган Роберт Левандовски ва Серж Гнабрининг ҳолати ҳақида гапирди.
"Левандовскида жароҳат билан боғлиқ муаммолари бор эди. Биз уни эҳтиёт чораси сифатида алмаштирдик. Унинг 20 дақиқа кўпроқ ўйнашини хоҳлардик. Бироқ, ундаги муаммо катталашишини истамадик.
Гнабрида ҳам шу каби муаммо бор эди. Ҳозирча нимадир деб башорат қила олмайман, лекин умид қиламанки, у сешанба куни ЕЧЛ гуруҳ босқичи биринчи турида ўйнайди. У аллақачон даволанмоқда, биз кутишимиз керак ”, деди Нагелсманн Sky Germaniy нашрига берган интервьюсида.
Эслатиб ўтамиз, 14 сентябр, сешанба куни "Бавария" Чемпионлар Лигасида "Барселона"га қарши ўйнайди.