Зоҳид Каримов "Sport" телеканали директори:

Ассалому алайкум! Бир муддат аввал биз МТРК қатор нуфузли футбол мусобақаларининг Ўзбекистон ҳудудида трансляция ҳуқуқини олгани ҳақида хабар берган эдик. Италия чемпионати ва ЕЧЛ, ЕЛ, КЛ, ЁЛ, Футзал бўйича жаҳон чемпионати ва ҳоказо. Мусобқалар бошланди, яхши ният билан уларни катта ҳажмда кўрсатиш мақсадида ишимизни режалаштирдик. Барча жалб этилган ижодий техник ходимлар шай ҳолатда эди. Афсуски, бизга боғлиқ бўлмаган сабабларга кўра бошланиши яхши чиқмади. Интерференция (физика) бир вақтнинг ўзида қабул қилинаётган 10 дан ортиқ сигнал, демодулятор (ускуна)лар учун аввал берилган формат узатувчи томонидан огоҳлантиришсиз ўзгартирилгани…, хуллас бизлар учун яхши дарс бўлди. Ўйинлар сонини бирданига эмас, секинлик билан кўпайтирсак бўлар экан, аммо биз ҳаммага ёқиш учун шошдик, ҳовлиқдик. Биринчи уриниш кўнгилдагидек, биз истагандек чиқмади, бунинг учун барчадан узр сўраймиз. Шу билан бирга, биз тўхтамаслигимизни, янада ҳаракат қилиб, режаларимизни амалга ошириши йўлида албатта меҳнат қилишимизни ҳам айтиб ўтмоқчи эдик. Насиб қилса 2-тургача камчиликларни бартараф этамиз.

Меҳнатимизни кимдир танқид қилиши, яна кимдир жамоамизга ишончсизлик билдириши табиий, бироқ интилишларимизни қўллайдиганлар ва бизнинг ишимизга хайрихоҳ бўладиганлар кўплигини ҳам биламиз. Барчамизга омад!