«Манчестер Юнайтед» бош мураббийи Оле-Гуннар Сульшер ҳужумчи Эдинсон Кавани қачон майдонга қайтиши мумкинлигини айтди.

Уругвайлик футболчи «Сток Сити»га қарши кечган ўртоқлик учрашувида жароҳат олган эди.

«Умид қиламанки, Эдинсон шу ҳафта охири ёки душанба куни жамоа билан машғулотларни бошлайди. Балки у чоршанба куни майдонга чиқар. Кавани ўтган мавсумни ажойиб тарзда ўтказди. У формада бўлганида, ўйинга катта таъсир кўрсатди. Аммо бу мавсум бошида у жароҳатлардан хавотирда эди.

Кавани энг яхши футболини намойиш қилиши учун у 100 фоиз тикланиши керак. Биз бунга шошилмаймиз. Кавани майдонга қайтишни интизорлик билан кутмоқда», - деди Сульшер.