«Ювентус», «Зенит» ва Италия терма жамоасининг собиқ ярим ҳимоячиси Клаудио Маркизио «Милан» ҳозирда «Ювентус» дан кучлироқ деб ҳисоблайди.

«Милан» ҳозир кучлироқ. Малдини, Массара ва Пиоли сўнгги бир неча йиллардан буён муаммоларга дуч келган жамоани тузишда жуда яхши иш қилишди. Улар Чемпионлар Лигасига қайтишди - бу турнир клуб мақомига бошқаларга қараганда кўпроқ мос келади.

«Ювентус» ўтиш босқичида, лекин улар ғалабали серияни бошлаган жамоа билан бир хил даражада эканлигини исботлаши керак. Узоқ муддатли лойиҳага пойдевор қўйишда қийинчиликларга дуч келиш одатий ҳолдир ва мен «Ювентус» га вақт ва ишонч берилишини истардим. «Ювентус» каби жамоа ҳар доим ғалаба қозонишга интилиши керак. Уларга бирдамлик ва ишонч керак », - деди Маркизио La Gazette Dello Sportга.

А Сериянинг бошланғич 3 турида «Милан» 9, «Ювентус» эса атиги 3 очко жамғарди.