Қозоғистоннинг Шимкент шаҳри мезбонлик қилган ўқ отиш бўйича 14-Осиё чемпионати якунига етди.

Қитъа чемпионатида муваффақиятли иштирок этган Ўзбекистон терма жамоаси якунда умумжамоа ҳисобида иккинчи ўринни эгаллашди. Мерганларимиз 5 та олтин, 8 та кумуш, 4 та бронза медали жамғаришди.

Мезбонлар 12 та олтин, 12 та кумуш, 12 та бронза медали билан Осиё чемпионатида биринчи бўлишди. Кучли учликка эса Индонезия терма жамоаси 5 та олтин, 3 та кумуш медаль билан якун ясаб беришди.