Италия чемпионатининг 4-туридан ўрин олган сўнгги баҳс 20 сентябрь куни бўлиб ўтди. «Удинезе» клуби ўз майдонида пешқадам «Наполи»ни қабул қилиб, йирик ҳисобда имкониятни бой берди.

Неаполликларнинг 4та голига мезбонлар бирор марта ҳам жавоб қайтара олишмади. "Наполи" биринчи таймда 2та, иккинчи бўлимда 2та гол уриб, ўйин тақдирини ҳал қилди.

Лучано Спалетти жамоаси 4 турдан кейин 12 очко билан якка пешқадам бўлиб олишди.

Италия А серияси, 4-тур
Удинезе – Наполи 0:4 (0:2, 0:2)
Голлар: 0:1 – 24 Осимхен, 0:2 – 35 Раҳмоний, 0:3 – 52 Кулибали, 0:4 – 84 Лосано.
Удинезе – Сильвестри, Родриго Бекао, Нюйтинк, Самир, Молина (Соппи, 86), Арслан (Самаржич, 72), Уолас, Перейра (Макенго, 64), Ларсен (Зегелар, 72), Деулофеу (Бету, 64), Пуссетто.
Наполи – Оспина, Ди Лоренцо, Раҳмоний, Кулибали, Мариу Руй (Дзаноли, 86), Замбо-Ангисса, Фабиан Руис (Унас, 81), Элмаз, Политано (Лосано, 71), Осимхен (Петанья, 81), Инсинье (Зелиньски, 71).
Огоҳлантиришлар: Самир (56), Молина (65), Мариу Руй (82).