«Атлетико» бош мураббийи Диего жамоа ҳужумчиси Антуан Гризманн ҳақида ўз фикрини билдириб ўтди. Франциялик футболчи «Хетафе»га қарши ўйинда (2:1) захирага олинди.

Гризманн "Атлетико" сафида 4та ўйинда майдонга тушиб, ҳали самарали ҳаракатни амалга оширмади.

«Ҳаммаси жойида. У жамоага қайтганидан хурсанд бўлди. У ҳозирги «Атлетико»га мослашиш жараёнини бошдан кечирмоқда. Ҳозирги жамоа у кетган пайтдаги жамоадан фарқ қилади. Антуан биз кутаётган натижани беришига шубҳа қилмайман.

Жамоага келган ҳар бир янги футболчи мослашиб кетиши учун ҳаракат қиляпмиз. Бу нафақат Гризманнга, балки Родриго де Паулга ҳам тегишли.

Антуан бугун жуда яхши ўйнади. У клубга барқарорлик бериш учун сафимизга қўшилди», – деди Симеоне.