Лондоннинг «Челси» клуби ҳужумчиси Тимо Вернер ўзининг голсиз сериясига барҳам берди. Футболчи бу ҳақда фикр билдирди. Тимо Лондон клуби сафида кетма-кет 10 та учрашувдан буён гол ура олмай келаётган эди.

Бир кун олдин Вернер Лига кубогининг 1/16 финал босқичида «Астон Вилла» дарвозасини ишғол этди. Жамоалар асосий вақтда ғолиб номини аниқлай олишмади - 1:1. «Челси» Бирмингем жамоасини пенальтилар сериясида мағлуб этди.

«Челси» мухлислари яна менинг исмимни айтаётгани жуда ёқимли. Яна гол уриб, фамилиянгни «Стемфорд Бридж» таблосига ёздириб қўйиш ажойиб жараён", - дейди Вернер.