«Барселона» бош мураббийи Роналдь Куман Испания Ла Лигасининг 6-туридан ўрин олган «Кадис»га қарши ўйин ҳақида фикр билдирди.
«Умуман олганда, жамоа яхши ўйин кўрсатди. Биз тўпга жуда кўп эгалик қилдик ва бу ўйиннинг энг зўр лаҳзаларини яратдик. Ўйинчиларнинг ўз ишига бўлган муносабатидан шикоят қила олмайман.
Бизга учрашув давомида креативлик етишмади. Охирги пас бизнинг энг заиф нуқтамизга айланиб бормоқда. Бу камчилигимизни тезроқ бартараф қилмасак, кейинги учрашувларда ҳам гол уришга қийналамиз»,- дейди Куман.
«Барса» Испания чемпионатида бир ўйин кам ўтказган ҳолда 7-ўринда бормоқда.
