Чемпионлар Лигаси амалдаги чемпиони «Челси» ҳақида маълумотларни тақдим этамиз.
УЕФА рейтинги (2020/21 мавсум якуни): 11
Қандай етиб келишди: УЕФА Чемпионлар Лигаси ғолиби
Ўтган мавсум: Ғолиб (ғалаба, 1:0 "Манчестер Сити")
Еврокубоклардаги энг яхши иштирок: ғолиб (2011/12, 2020/21)
Бош мураббий: Томас Тухел (Германия)
Январь ойида жамоа бошқарувига келган мутахассис дарҳол 14 ўйинни мағлубиятсиз ўтказди ва клуб тарихида бу ишни амалга оширган илк мураббийга айланди. «Майнс» ва «Дортмунд» собиқ бош мураббийи ўтган мавсум «кўклар» сафига келиб қўшилишидан олдин 2020 йилда ПСЖ билан Чемпионлар Лигаси финалига қадар етиб борганди.
Асосий ўйинчи: Нголо Канте
Тухел қўлостидан қайта жонланган ва Жоржинё билан иккита олтиталик ҳудудда ўйнаган франциялик хавбек ўтган мавсум фантастик кўринди. Тиним билмайдоган 30 ёшли Канте ўтган мавсум Европа Чемпионлар Лигаси ярим финали доирасидаги «Реал»га қарши икки ўйинда ҳам учрашувнинг энг яхши футболчиси деб топилди ҳамда финалда "Манчестер Сити" футболчиларига қарши яна бир санъат асарини намойиш этди.
Ёзги энг катта хариди: Ромелу Лукаку
«Челси»нинг рекорд даражадаги хариди ва Бельгия терма жамоаси тўпурари уларнинг ҳужум чизиғига улкан қўшимча бўла олди. 28 ёшли форвард ўтган мавсум «Интер» сафида 24 гол уришга эришди ва 11 йиллик танаффусдан кейин «нерадзуррилар»ни Италия чемпиони бўлишига катта ҳисса қўшди. Ундан олдин эса Лукаку «Андерлехт», "Вест Бромвич", «Эвертон» ва "Манчестер Юнайтед" сафида ажойин ўйинлар ўтказган эди.
Ўйинини кўриш керак: Каллум Ҳадсон-Одои
«Челси» ёшлар академиясининг яна бир маҳсулоти ва 20 ёш бўлишига қарамасдан Тухел қўлостида жамоага борган сари катта таъсир кўрсатишни бошлаган англиялик хавбек голлар ва яратувчанликни таклиф этмоқда.
Биласизми?
Эдуар Менди ўтган мавсум Чемпионлар Лигасининг 12 ўйинида 9 қуруқ ўйин ўтказди ва мусобақа тарихида Англия жамоалари орасида битта мавсумда шундай натижага эришган илк дарвозабон бўлди.
Эслатиб ўтамиз, «Челси» гуруҳ босқичи 1-турида «Зенит»ни қабул қилди ва 1:0 ҳисобида ғалаба қозонди. Иккинчи турда уларни Туринда «Ювентус»га қарши баҳс кутиб турибди. Туринликлар дастлабки баҳсда «Малмё» майдонидан йирик ғалаба (3:0) биланқ қайтишҳган эди.
