«Челси» устози Томас Тухель ҳимоячи Тиаго Силванинг жамоадаги келажаги ҳақида фикр билдириб ўтди. У бу ҳақда шундай дейди:

«У (Силва) ҳақида гап кетганида мен бирор аниқ хулоса айта олмайман. Айнан ҳозир бу саволга жавоб бера олмайман. Аммо умид қиламанки, у ҳозиргидай юқори даражада ўзини намойиш қилишда давом этади. У шу ерда қолишга муҳтож. Бу жуда осон ва равшан кўриниб турибди. Биз ҳамма футболчилардан топ ўйин кутамиз ва талаб қиламиз. Жамоамизда ўйнаётган ҳар бир ўйинчи вазифасини аъло бажариши шарт ва ҳозирча Тиаго буни эпламоқда. Чунки у профессионал. Шу сабаб унинг фаолиятида ёш унчалик ҳам роль ўйнамаётир».

Маълумот ўрнида Тиаго Силва бу ҳафта 37 га тўлди. У АПЛдаги энг қария иккинчи футболчи саналади. Биринчиси эса, «Уотфорд» дарвозабони Бен Фостердир.