«Арсенал» футболчиси Букайо Сака жамоанинг совринлар учун имкониятлари ҳақида гапирди.
«Биз бир жамоа бўлиб бирлашишимиз, жамоавий руҳни қўшишимиз керак. Бунга секин асталик билан эришмоқдамиз.
Агар биз доим шундай ўйнасак, жорий мавсум бир нечта совринларни ютиш учун имкониятларимиз катта.
Биз кўпроқ гол уришимиз керак. Кеча буни етарлича тушуниб етдик, лекин биз буни барқарор асосда ушлашимиз керак», - дейди Сака.
Эслатиб ўтамиз, якшанба куни «Арсенал» Шимолий Лондон дербисида «Тоттенхем» устидан қозонган - 3:1.
