Лондоннинг "Челси" клуби раҳбарияти жамоа ҳужумчиларидан бири бўлмиш Саломон Калуга янги шартнома таклиф қилади. Бу ҳақида инглиз нашрларига асосланган ҳолда championat.com хабар бермоқда. Манбада келтирилган маълумотларга кўра, музокараларнинг биринчи босқичи Африка Миллатлар Кубоги бошланмасдан аввал амалга оширилган эди. Футболчининг амалдаги шартномаси шу йилнинг ёзида ўз ниҳоясига етади. Футболчининг янги шартномадаги асосий талаби — етарли даражада ўйин амалиётига эга бўлиш, дея маълум қилинади инглиз нашрларида. 

Футболчи жорий мавсумда 9 учрашувда майдонга тушиб, 3 голга муаллифлик қилган. Амалдаги шартномасига кўра 26 ёшли ҳужумчи ҳафтасига 80 минг фунт-стерлинг ишлаб топади.