ПФЛ директори Диёр Имомхўжаев Жасур Яхшибоевнинг Чемпионлар лигасидаги ўйинлари ҳақида гапирди.
"Бугун Жасур Яхшибоев учун тарихий кун бўлиши мумкин. У тўп сураётган «Шериф» Чемпионлар лигаси доирасида Мадридда «Реал» меҳмони бўлади. Яқиндагина «Сантиаго Бернабеу»даги учрашувларни ҳавас билан телевизорда томоша қиладиган йигитда, эндиликда шу майдонда ўйнаш имконияти бор.
«Шериф» илк турда «Шахтёр»ни қабул қилиб, 2:0 ҳисобида устун келганди. «Реал» эса «Интер» майдонида минимал ҳисобда зафар қучган. Бугунги учрашув қандай натижа билан якун топишидан қатъий назар, Яхшибоевнинг қироллик клубига қарши ҳаракатлари муҳим аҳамият касб этади".
