Лондоннинг «Челси» клуби бош мураббийи Томас Тухель «Ювентус»га қарши баҳс ҳақида фикр билдирди.

Унинг сўзларига кўра, Турин жамоаси футболчилари лондонликларни секин темп учун жазолаган.

«Жамоамиз иккинчи бўлимнинг ўнинчи сониясиданоқ гол ўтказиб, аҳмоқона хатоларга йўл қўйишга ҳақли эмас эди. Менимча, ҳимояда ўйинни яхши ташкил қилгандик.

Бугун биз жазоландик. Кеча эса машғулотларда жуда яхши ҳаракатлангандик. Лекин бу етарли бўлмади. Негалигини билмайман. Мен қарор қабул қилишда бироз секин ва чарчаганимизни ҳис қилдим, - дейди Тухель.

Маълумот учун, «H» гуруҳида «Ювентус» 6 очко билан пешқадамлик қилмоқда. «Челси» эса уч очко билан иккинчи ўринни банд этган.