Ортда қолаётган сентябрь ойида Про лигада 3 та тур учрашувлари бўлиб ўтди. Мазкур беллашувлар давомида кўплаб футболчи ва мураббийлар ўзларини кўрсатишга эришди.
Сентябрь ойининг энг яхши мураббийи бўлиш учун номзодлар
Илҳом Мўминжонов («Нефтчи») – 2 ўйин, 2 ғалаба
Александр Ежов («Хоразм») – 3 ўйин, 2 ғалаба, 1 дуранг
Ҳаким Фузайлов («Динамо») – 3 ўйин, 2 ғалаба, 1 дуранг
Сентябрь ойининг энг яхши футболчиси бўлиш учун номзодлар
Тимур Бекчанов («Хоразм») – 3 ўйин, 2 гол
Фаҳриддин Алимов («Янгиер») – 3 ўйин, 3 гол
Бобур Фарҳодов («Хоразм») – 3 ўйин, 2 гол
Александр Ешич («Нефтчи») – 2 ўйин, 2 гол
Шоҳруҳ Абдураҳмонов («Динамо») – 3 ўйин, 3 гол
Эслатиб ўтамиз, овоз бериш жараёнида Про лига клублари бош мураббийлари ва сардорлари ҳамда мухлислар иштирок этади.
Про лиганинг 8 клуби бош мураббийлари ҳамда сардорлари кўрсатилган номзодларни учталикка жойлаштириб чиқади. Дастлабки ўринда кўрсатилган номзод 3, мос равишда кейинги икки ўриндагилар 2 ва 1 очколик бўлади.
ЎзПФЛ томонидан футбол мухлислари ўртасида ўтказилган сўровнома натижаси эса мураббий ва сардорлар ўртасида ўтказилган сўровнома натижаларига қўшилади.
Бунда мухлислар овози катта аҳамиятга эга бўлиб, биринчи ўринни эгаллаган номзод 6, мос равишда кейингилар 4 ва 2 очкодан қўлга киритади.
Якунда энг кўп балл тўплаганлар ойнинг энг яхшилари сифатида эътироф этилади.
