«Шериф» дарвозабони Георгиос Атанасиадис Чемпионлар лигаси гуруҳ босқичи 2-турида ҳафтанинг энг яхши футболчиси деб топилди. Эслатиб ўтамиз, Молдова жамоаси сафарда «Реал» ни 2:1 ҳисобида мағлуб этганди.
Шунингдек, номзодлар орасида «Интер» ҳимоячиси Милан Шкриньяр, «Бенфика» ҳужумчиси Дарвин Нуньес ва «Бавария» вингери Лерой Санелар ҳам бор эди.
Маълумот учун, «Шериф» ўз тарихида биринчи марта Чемпионлар лигаси гуруҳ босқичига чиқди. Дастлабки икки турда Молдова жамоаси «Шахтёр» ва «Реал» ни мағлуб этиб, гуруҳда биринчи ўринни банд этган.
