Украина терма жамоасининг собиқ бош мураббийи Андрей Шевченко "Селтик"ни бошқариши мумкин, дея хабар беради The Sun.
Манбанинг хабарига кўра, 45 ёшли мутахассиснинг ўзи Британияда ишлашни хоҳлайди. Шотландия клуби эса сўнгги пайтлардаги қониқарсиз натижалар туфайли клубдан кетиши кутилаётган Анте Постекоғлу ўрнига айнан украиналик собиқ футболчи номзодини илгари сурмоқда.
"Селтик" Европа Лигасини икки мағлубият билан бошлаган бўлса, ички чемпионатда жамоа 7 учрашувда 10 очко тўплаган ҳолда турнир жадвалининг 6-ўринни эгаллаб турибди.