"Уотфорд" клуби бош мураббий Хиско Муньоснинг истеъфоси ҳақида эълон қилди.
Клуб расмий сайтида берилган баёнотга кўра, жамоанинг сўнгги пайтдаги муваффақиятсиз натижалар туфайли амалдаги мураббий билан келишув бекор қилинган.
Хиско "Уотфорд"ни 2020-йил декабрь ойидан буён бошқариб келаётган эди ва унинг қўл остида жамоа 2020/21-йилги мавсум сўнггида Преьмер-лига йўлланмасини қўлга киритди. Бу мавсумда жамоа Англия чемпионати турнир жадвалида 7 ўйиндан сўнг 7 очко тўплаб 14-ўринни эгаллаб турибди.