"Uotford" klubi bosh murabbiy Xisko Munyosning iste’fosi haqida e’lon qildi.
Klub rasmiy saytida berilgan bayonotga ko‘ra, jamoaning so‘nggi paytdagi muvaffaqiyatsiz natijalar tufayli amaldagi murabbiy bilan kelishuv bekor qilingan.
Xisko "Uotford"ni 2020-yil dekabr oyidan buyon boshqarib kelayotgan edi va uning qo‘l ostida jamoa 2020/21-yilgi mavsum so‘nggida Premer-liga yo‘llanmasini qo‘lga kiritdi. Bu mavsumda jamoa Angliya chempionati turnir jadvalida 7 o‘yindan so‘ng 7 ochko to‘plab 14-o‘rinni egallab turibdi.