Лондонинг “Челси” клуби ниҳоят ғалаба қозонди. Етти ўйиндан бери барча турнирларда ғалаба нималигини билмай келаётган Виллаш-Боаш шогирдлари учун бугунги ўйин ҳам осон бошланмаганди.
Ҳар қанча ҳаракат қилишмасин, футболчилар “Болтон” дарвозасини ишғол қила олмадилар. Лекин иккинчи таймнинг илк дақиқаларида Девид Луиз ҳисобни очгач, барчаси осон кеча бошлади. Иккинчи гол, Луизга асиссентлик қилган Дрогба ҳисобига ёзилди. Лемпарднинг бурчак зарбасидан ошириб берган тўпини боши билан дарвоза йўллаб, ҳисобни оширди. Кейин эса Лемпарднинг ўзига ҳам навбат келди. Ўнг қанотдан Мата дарвозанинг узоқ бурчагига юқорилатиб тўпни йўллади, Лемпард керакли жойда пайдо бўлди. Бу гол қайсидир жиҳатдан айнан Матанинг “МЮ” дарвозасига киритган голига ўхшаб кетди. Испания терма жамоаси таркибига жалб этилмаган Торрес иккинчи таймда майдонга тушди, аммо гол уриш унга яна насиб этмади.
Ўтган турда “Тоттенҳэм”дан қақшатгич зарбага учраган “Ньюкасл” илк 18 дақиқада икки бор меҳмонлар дарвозасини ишғол қилгач, “Вулверҳэмптон”га қарата, “сенинг айбинг – очлигимда қаршимдан чиққанинг” дейишгандир. Лекин, биламизки, АПЛ эртагида “Вулверҳэмптон” ҳам бўри ҳисобланади. Иккинчи таймда ташаббуусни ўз томонларига оғдирган меҳмонлар икки гол киритиб, бир очко олиб кетишнинг уддасидан чиқишди.
Қишки трансфер чоғида кўплаб трансферларни амалга оширган Марк Хьюз шогирдлари хайрон қолдиришмоқда. Бу сафар “КПР” ўз майдонида “Фулҳэм”га имкониятни бой берди. Бу сафар мезбонларга Диаките панд берди. Унинг 33-дақиқада майдондан четлатилиши “КПР”нинг ҳисобьни тенглаштириш имкоинятини пасайтириб юборди. Эсингизда бўлса, олдинги турда Сиссе майдондан четлатилиб, жамоа мағлубиятига сабабчи бўлганди. Таъкидлаш жоизки, ягона гол меҳмонлар сафига янги қўшилган россиялик ҳужумчи Павел Погребняк ҳисобига ёзилди.
ЧЕЛСИ – БОЛТОН 3:0 (0:0)
Голлар: Давид Луиз (48), Дрогба (61), Лэмпард (79).
НЬЮКАСЛ – ВУЛВЕРҲЭМПТОН 2:2 (2:0)
Голлар: Сиссе (6), Гутьеррес (18), – Жарвис (50), Дойл (66).
КУИНЗ ПАРК РЕЙНЖЕРС – ФУЛҲЭМ 0:1 (0:1)
Гол: Погребняк (7).
ВЕСТ БРОМВИЧ – САНДЕРЛЕНД 4:0 (2:0)
Голлар: Одемвинже (3, 49), Моррисон (41), Эндрюс (90).
УИГАН – АСТОН ВИЛЛА 0:0
