«Интер» марказий ҳимоячиси Милан Шкриньяр қишда жамоаси рўйхатини ўзгартириши мумкин. Бу ҳақда Fichajes.net нашри хабар қилмоқда. Манбада айтилишича, словакиялик марказий ҳимоячига Мадриднинг «Реал» клуби қизиқиш билдирмоқда.
Футболчининг Италия клуби билан шартномасини 2023 йилда тугатади ва келаси йили ёзда у «нерадзуррилар» сафини эркин агент мақомида тарк этиши мумкин. Шу сабабли, миланликлар Шкриньярни ярим нархига бўлсада қишда сотиб юборишни мўлжалламоқда.
«Реал» эса футболчи учун тахминан 30 млн евро атрофида тўлаши мумкинлигини маълум қилган.
