«Барселона» клуби қишки трансфер ойнаси пайтида жамоани кучайтиришни мақсад қилган, деб хабар беради todofichajes.com нашри. Манбада айтилишича, каталонияликлар раҳбарияти «Лейпциг» футболчиси Дани Ольмони ўз сафига қўшиб олмоқчи.
«Кўк-анорранглилар» ўтган ёзда испаниялик футболчини сотиб олишга ҳаракат қилишганди, бироқ трансфер бозорининг ёпилиб қолиши бунга тўсқинлик қилганди.
Дани Ольмонинг ўзи ҳам январ ойини келишини сабрсизлик билан кутмоқда ва Испанияга қайтиб, «Барса»нинг шарафини ҳимоя қилишни орзу қилади.
«Барселона» немис клубига футболчининг трансфери учун 50 миллион евро таклиф қилмоқчи. Дани Каталония клуби билан 2026 йилгача шартнома имзолаши кўзда тутилган.