Уругвайлик тажрибали ҳужумчи Эдинсон Кавани қишки трансфер ойнасида «Манчестер Юнайтед»ни тарк этишга яқин турибди. The Sun нашри хабарига кўра, 34 ёшли футболчи фаолиятини Испания чемпионатида давом эттириши мумкин. Каталониянинг «Барселона» клуби ҳужумчининг хизматларига қизиқиш билдирмоқда.
Манбанинг таъкидлашича, Кавани «кўк-анорранглилар»нинг январь ойидаги асосий трансфер мақсади бўлмоқда. Эдинсон «қизил иблислар»ни тарк этишга тайёр, чунки у рақобатда Криштиану Роналдуга ютқазди.
Эслатиб ўтамиз, Кавани АПЛнинг 2021/2022 йилги мавсумда учта учрашувда иштирок этди.