Англия терма жамоасининг собиқ ҳужумчиси Гари Линекер Лионель Месси футболдаги даражаси бўйича Криштиану Роналдудан устун деган фикрни билдирди.
"Марадона ва Лео ҳар бир ўйинда мен бутун фаолиятим давомида қилмаган икки ёки учта ишни қилган ва қилмоқда. Улар ўйлашимча бошқа спорт билан шуғулланишади.
Мен Криштиануни ҳам яхши кўраман ва уни жуда ҳурмат қиламан, у ҳам зўр ... Лекин менинг шахсий фикрим бўйича, Леонинг қилган ишларини солиштириш мумкин эмас", - деди Линекер.
Эслатиб ўтамиз, Месси 6 карра "Олтин тўп" соҳиби, Роналду эса бу совринни 5 марта қўлга киритган.