«Торино»нинг италиялик ҳужумчиси Андреа Белотти келаси ёзда «буқалар» лагерини тарк этиши мумкин.
Футболчининг 2022 йили клуб билан амалдаги шартномаси тугайди ва у янги битим имзолашга шошилмаяпти. Ушбу вазиятни эса «Милан» жиддий равишда кузатиб бормоқда.
«Россонерилар» ҳужумчини текинга сотиб олишни режалаштирмоқда. Белотти у ерда Златан Ибрагимовичга ўринбосар сифатида кўриляпти.
Кишда Андреа билан эҳтимолий битим ҳақида дастлабки келишувга эришиш мумкин бўлади. Ўз навбатида «Торино» ҳам жамоага янги ҳужумчи қидириб кўради.
