"Фиорентина" президенти Рокко Коммиссо ҳужумчи Душан Влаҳович билан шахсан учрашмоқчи ва у билан шартномани узайтириш имкониятини яна бир бор муҳокама қилиш ниятида. Агар бу музокаралар муваффақиятсиз якунланса, битимдан воз кечилади, дея хабар беради "TGR RAI Toscana" нашри.
Ҳужумчининг йилига 800 минг евро маош оладиган амалдаги шартнома 2023 йилнинг июньида тугайди. "Бинафшаранглилар" унга таклиф қилган янги шартномага кўра футболчи ҳар мавсум учун 4 миллион маош билан беш йиллик келишув тузиши мумкин.
Бироқ, футболчининг агенти уни бошқа клубга кетишга кўндирмоқчи.
"Фиорентина" президенти Рокко Комисо аввалроқ ҳужумчини сотиб олиш бўйича барча таклифларни, шу жумладан август ойида "Атлетико"дан тушган 70 миллион евролик келишувни рад этган эди.
